PRESENTACION

Era aigua ei un recors finit e volnerable que resulte essenciau tath desvolopament dera vida. Era sua gestion eficenta resulte indispensable entath progrés des societats e era conservacion deth medi ambient.

Ei per aguest motiu qu’era Union Europèa aprovèc era Directiua Marc der Aigua (DMA), ua norma qu’establís ua responsa unitària de gestion des masses d’aigua e damb un objectiu principau qu’ei eth d’assegurar era qualitat e quantitat de ecosistèmes idrics gràcies ara implantacion d’estratègies comunes de gestion, entre es que s’inclodís eth desvolopament de guides tecniques o era participacion sociau e institucionau entara presa de decisions enes politiques d’aigües.

SUD’EAU 2 ei un projècte europèu compromés damb era implantacion dera DMA en ambit locau e regionau. Era sua mission ei méter en foncionament iniciatiues de gestion sostenibla e participatiua der aigua e des arrius, e era sua metodologia de trabalh prevé es resultats que seguissen:

  • Escambi d’experiéncies sus era gestion entre es regions deth sudoèst europèu, remercant sustot era implicacion d’entitats locaus e era participacion ciutadana (actiuetat GT1).
  • Identificacion e difusion de Bones Practiques europèes, regionaus e locaus ena gestion integrau dera aigua e des arrius (actiuetat GT2).
  • Desvolopament d’actuacions innovadores e releuantes, nomentades Experiéncies de Referéncia, que siguen accions destacables e transferibles as municipis e regions deth sudoèst europèu (actiuetat GT3).
  • Creacion dera aplicación practica nomentada Caisha d’Utisi, qu’incorpòre un conjunt d’utili e metodologia de dessenh, avaluacion e sistematizacion de projèctes de gestion dera aigua e des espacis fluviaus (actiuetat GT3).
  • Creacion d’un hilat de gestions sostenibla dera aigua, eth clúster d’entitats deth SUD’EAU2 (actiuetat GT5).

 

SUD’EAU 2 (noveme de 2012 – deseme de 2014) ei un projècte de capitalizacion deth projècte Sud’eau (abriu de 2009 – març de 2011). Toti dus projèctes son ath laguens deth programa de cooperacion territoriau SUDOE, e era rdicion actuau compde damb un pressupòst de 1.395.420 € en tot èster cofinançat en un 75% per hons europèus FEDER (Fondo Europeo de Desarrollo Regional).

sudeau-objetivos

 

NAUI ENFOQUES E EXPECTATIUES ENTARA DUSAU EDICION DETH PROJÈCTE SUD’EAU